Spain-in monkeypox vaccine pekchhuah tum Khawvel huapin hri kai 1,000 chuang awm tawh

Ram hrang hranga darh mek, monkeypox chu Brazil ramah kai an awm thu report a ni ve leh a, ram 29-ah he hri kai hmuh a ni tawh a ni.

Brazil rama monkeypox kai hi kum 41 mi, Spain leh Portugal-a zin kual a nih thu health minsitry chuan a sawi.

World Health Organization (WHO) chuan hri la hmuhchhuah ngai zen zen lohna hmuna monkeypox a darh tih an hriatchhuah hnuah he hri kai hi mi 1,000 chuang an awm tawh tih an sawi. Hri kai zinga a tamzawk chu Britain, Canada, Germany, Portugal leh Spain ram amite an ni. Monkeypox hi natna vang tak, smallpox nena huang khata awm an ni. 

Hri hi vun leh vun intawhte leh thawmhnaw inhakṭawm aṭangtea kai an ni tlangpui. Hri lanchhuah dan te chu khawsik sang tak, hrawk bawr vung leh chickenpox ang takte in a rawn puar chhuak ṭhin a ni.

Spain-a health authority-te chuan monkeypox kai ni ngeia rinhlehte hnenah vaccine an pechhuak dawn tih an sawi.