UP CM sawisel vangin hriattirna pe

Kashmir-a Congress party hruaitu Salma Nizami chu, Uttar Pradesh Chief Minister Yogi Adityanath sawiselna thu a tihchhuah avangin defamation notice pek a ni.

Congress hruaitu Nizami chuan March 19 khan a twitter-ah Yogi Adityanah lawmtute chuan India ram ropuina a chhunga hnam chi hrang leh sakhaw hrang hrang awmkhawmna vang a ni a, sakhaw atchilhtute vang a ni lo tih an hriat­reng a ṭul thu a tarlang a ni. A thu ziah avangin Salman Nizami hi UP CM hi tihhmingchhiat tuma puhin, a lakah thubuai thehluh a ni a, Supreme Court lawyer Dr Abhishek Atrey chuan defamation notice hi a pe a ni. Nizami chuan court aṭangin hriattirna pek ni mah se, a thu lo sawi tawh avanga a inchhir loh thu leh, a ngaihdan pawh ala ngai reng thu a sawi.

Nizami chuan, “Ka hlau lo a, ka ngaihdan pawh a ngai reng a ni. Ka ukil kaltlangin chhanna hi ka pe ang. In duhthlanna hi fak ve vek turin midang in tilui thei lang. Yogi-a hi an dinhmun hi a phu lo tih hi ka ngaihdan nghet tak a ni. UP inthlan dawn khan BJP hian Yogi-a hi an party hmathehah hmang ve ni se, an che chhe hle ang” tiin a sawi. UP CM a ngaihdan a tarlan avanga beih a ni chu a dik lo tih sawiin, Nizam chuan danpui chuan inhuatna chawktho leh inthiarhranna kalpui zawnga che tu chu sawisel turin dikna a pe a ni, a ti.

Islamic preacher Dr Zakir Naik chu sakhaw inkara inhuatna chawk chhuak thei zawnga thu sawiah puhin na taka beih a nia, mahse heti chung hian an beihna finfiahna hi a awm loh thu Nizam chuan a sawi. Hetih lai hian tualthah thubuai leh tualchhung buaina chawkchhuaka puhna thubuai nei mek Yogi Adityanath chu Uttar Pradesh CM atana dah a nih thung si a ni, tiin a sawi.