Haryana sorkar hnenah ran talh phalna pe lo turin ngen dawn

Haryana state-a bawng humhalhtu pawl chuan state sorkar hnenah ran talhna in siam phalna pe tawh lo turin an ngen dawn.

Haryana Cow Protection and Enrichment Unit (HCPEU) president Bhani Ram Mangla chuan Chief Miniter Manohar Lal Khattar hmuin, ngenna hi an thehlut thuai dawn tih a sawi a, an state chhunga ran talhna in hawn belh an remti tawh dawn lo tih a sawi.

Hetih lai hian Uttar Pradesh-a sa zuarte chuan sorkarin ran talhna in te a kharsak avanga lungawi lohna lantirin tiam chin awm loa nawrh an huaihawt a, state chhung hmun hrang hrangah zawm a hlawh ṭha hle. Sangha zuartute pawh an nawrh hi an zawm dawn niin an sawi bawk.