Parliament-in mental healthcare bill pass

Parliament chuan rilru lama harsatna neite heathcare service pekna tur, Mental Healthcare Bill chu a pass.

He bill hi nikum August thla khan Rajya Sabha-ah pass a ni tawh a, Thawhṭanni khan Lok Sabha chuan a pawm ve leh a ni. Bill hi voice vote hmanga pass a ni. He bill hian mitinten sorkar enkawl health service atanga mental healthcare treatment la turin dikna an neih thu a tarlang a, chenna nei lo leh mi rethei, BPL card nei kher lo pawh, rilru lama harsatna/natna neite chu a thlawna enkawlna an dawn theihna tura tih a ni.

Health Minister JP Nadda chuan, he bill hian state tinte chu mental health programme nei tura a tih thu a sawi. Rilru lam harsatna nei enkawlte chu an natna chungchang, enkawl an nih dan leh an taksa dinhmunte zep tura dikna an neih thu a tarlang a, hei bakah hian damlo enkawl laite phalna lo chuan an thlalak te, an chanchinte media lama tlangzarh phal a ni lo bawk.

Sorkar laipui chuan national level-in Central Mental Health Authority a din dawn a, state tinah State Mental Health Authority din a ni bawk ang. Mental health institute leh mental health practitioner bakah cinical psychologist, mental health nurse leh pyschiatric social worker-te chu Authority hnuai­ah hian an in register a ngai dawn a ni.