Delhi-ah in tin endik vek dawn

Delhi khawpuiah hri kai an pung chak hle a,  hri darh zel tur venna atan chief minister Arvind Kejriwal kaihhruai sorkar chuan ruahmanna thar siamin, khawpui chhunga in tin chu endik vek an tum. 

Delhi-a hri kai tamna hmun, containment zone huam chhunga in tin chu June thla chhungin screen vek a ni dawn a, a bak in dang chu July 6-ah endik kim hman vek tum a ni  bawk. 

Thawhlehni khan Delhi khawpui chhung bikah hri kai thar hi mi 3,947 awmin, ni khata hri kai hmuh chhuah tam ber ni a ni. Hemi hun chhung vek hian he hri kai zinga mi 68 in an thihpui bawk. Delhi bikah hri kai hmuh tawh hi mi 66,602 awmin, an zinga 2,301 in an thihpui tawh a ni.