Sonia Gandhi damdawi-inah dah lut

Congress party chuan an president Sonia Gandhi chu damdawi-inah dah luh a ni a, mahse ngaihtuahawm erawh a ni lo tih nimin khan a puang.

June 2 khan kum 75 mi, Sonia Gandhi hi Covid-19 hri a kai tih hmuh chhuah a ni a, he hri kaihhnawh thil avang hian damdawi-inah dah luh a ni. Delhi-a Ganga Ram Hospital-ah dah luh a ni a, enkawl rih a ni ang.

Money-laundering case-ah Enforcement Directorate (ED) chuan Sonia hi June 13-ah thu zawhfiah turin an ko a, mahse Covid-19 a kai tak avangin ED hnenah hian hun pawhsei sak tur pawhin alo ngen tawh bawk. Hei vang hian June 23-a inlan turin an ti leh a ni.

ED hian Sonia Gandhi fapa, Congress president hlui Rahul Gandhi pawh vawiin hian inlan turin a ko bawk.