Kashmir-ah LeT firfiak 3 kap hlum

Jammu and Kashmir-a Pulwama-ah Inrinni zan leh nimin khan police-ten Lashkar-e-Toiba (LeT) firfiak pathum an kaphlum.

Jammu and Kashmir police-te chuan firfiak pathum an kahhlumte hi tualchhung mi vek an nih thu leh, an zinga pakhat Junaid Sheergojri chu May 13-a police pakhat kahhlumnaa inhnamhnawih a nih thu an sawi.

Inrinni zan dar 6.55 vel khan Pulwama-a Drabgam area-ah J&K police-te hian firfiak pakhat hi an kaphlum a, nimin khan he bial chhungah vek hian mi dang pahnih hi kahhlum an ni leh a ni. Firfiak dang awmte pawh dap mek a nih thu an sawi.