Payment system operator zingah Google Pay a tel lo : RBI

Reserve Bank of India (RBI) chuan Google Pay chu National Payments Corporation of India (NPCI) in payment system operator phalna a pek zingah a tel lo tih Delhi High Court a hrilh. 

RBI hian financial economist Abhijit Mishra-a'n Google mobile payment app, Google Pay (GPay) in RBI aṭanga phalna nei loa financial transaction a kalpui chungchanga PIL a thehluh a chhannaah hei hi a sawi a ni. 

GPay chu third party app provider (TPAP) a ni tiin, payment system operator a ni lo tiin RBI chuan Chief Justice DN Patel leh Justice Prateek Jalan awmna bench a hrilh a, hemi rual hian Payment and Settlement System Act of 2007 an palzut lo tih a sawi nghal  bawk. Hemi chungchang hi July 22-ah hearing neih leh a ni ang.