April aṭangin BS-III engine motor hralhchhuah khap
Supreme Court chuan April 1 aṭangin motor siamtu company-te chu BS-III engine hmang motor hralhchhuak tawh lo turin thupek a tichhuak.
Court thupek tihchhuah hian company-te motor siamsa nuai 8.5 vel a nghawng dawn a, heng motor hlut zawng hi cheng vaibelchhe 12,000 vel a tling ang. Supreme Court chuan auto company-te’n thla ruk aṭanga thla sarih vel thleng ngaihnathiam rih tura an ngenna chu a hnawlsak.
Society of Indian Automobile Manufacturers (SIAM) hian nikum January thla aṭang khan BS-III vehicle an siamchhuah leh thla tina an hralhchhuah dan data chu court-ah hian an thehluh a, tunah hian stock nuai 8.24 vel an la nei bawk tih sawiin, heng zinga 96,000 chu commercial vehicle niin, two-wheeler nuai 6 chuang leh three-wheeler 40,000 vel an tel.