J&K-ah firfiakten police in an bei
Jammu and Kashmir-a Kulgam district-ah Thawhlehni zan khan firfiak nia hriatten senior police officer chenna-in an kap a, ni thum chhunga firfiakte chetna a thlen ṭum thumna a ni.
Police-te police officer in beihnaah hian hliam an awm lo niin an sawi. Firfiakten an beih hi Additional Superintendent of Police, Bandipora, Dawood Ayoub-a in a ni a, in pahw hi a chhe nasa lo a, firfiakte hi an tlanchhe hman a ni.
Pathianni khan firfiakte chuan state minister Farooq Abdrabi-a in, South Kashmir-a Anantnag district ami chu an lo bei tawh bawk a, police pakhatin hliam a tuar. Hemi hma ni hian ASI Dilbar leh Constable Reyaz Ahmad-a te in, Shopian ami chu firfiakten an lo kap tawh bawk.