Kashmir-ah firfiak 100 thah an ni tawh

Jammu and Kashmir-ah kumin chhungin security force-ten firfiak 100 an kaphlum tawh a, an zinga a tam zawk, mi 63 hi Lashkar-e-Taiba (LeT) pawl mi leh sa an ni.

Official-te chuan Kashmir-a firfiak kahhlum zingah hian ram dang mi 29 an tel tih an sawi. Nikum khan thla nga leh ni 12 chhungin Kashmir-ah hian firfiak 50 kahhlum an ni a, hetiang hun chhung vek hian kumina kahhlum hi a letin an tam a ni.

LeT mi leh sa 63 bakah, firfiak thah zinga 24 hi Jaish-e-Mohammed (JeM) pawl nena inzawmna nei niin an sawi bawk.