Telangana CM-in national party din dawn

Telangana chief minister K Chandrasekhar Rao chuan tun thla chhung hian national party din a tum.

Hei hi kum 2024 Lok Sabha assembly inthlanpui neih hmaa eptu party hrang hrangte thawhhona tura a ruahmanna a ni.

Political party thar tur hming hi puanzar a la ni lo a, mahse 'Bharatiya Rastra Samiti' tih a nih rin a ni. KCR hian eptu pawl hruaitute pawh a lo hmu hlawm tawh bawk.

May thla khan KCR hian Samajwadi Party hotu, Akhilesh Yadav chu New Delhi-ah hmuin, ram chhung dinhmunte an sawidun. Delhi chief minister, Aam Aadmi Party (AAP) hruaitu Arvind Kejriwal pawh a lo hmu tawh bawk a ni.

Telangana CM hian May 26 khan JDS hotu HD Deve Gowda hmuin, national level-ah thil inthlak danglam a la awm ngei dawn tih a sawi a ni.

KCR hian anti-BJP ṭangrual pawl, third front siam tumin, Congress party tello party dang thawhpui tur a dap mek a ni. Ram pawn lama India mi awmte thlawpna neih tumin hma an la bawk a, Telangana NRI-te chuan CM Rao hmalakna an thlawp thu sawiin, resolution pawh an lo siam tawh a ni.