Kolkata hotel-a kangmei chhuakah mi pahnih thi

Kolkata chhim lam, Ho Chi Minh Sarani-a Golden Park Hotel-ah nimin zing khan kangmei a chhuak a, mi pahnih an thi a, hliam tuar eng emaw zat an awm.

Kangmei chhuahna hotel hi British deputy high commission leh US consulate general office epa awm a ni. Kangmei chhuak vanga thi te hi Odisha mi, Tata Steel-a hnathawk Chamra Kishan leh Gujarat mi Anup Agarwal te an ni. An pahnih hian SSKM Hospital panpui ni mah se, damdawi-in an thlen hmain an thi hman a ni. Woodlands Hospital-ah midang pahnih dahluh an ni bawk.

Hotel staff leh mikhual thlengte chuan nimin zing dar 3 vel khan pantry-ah meikhu nasa tak an hmu a, kangmei chhuak hi air conditional system kaltlangin hmun dangah chak takin a darh a, mikhual thleng ṭhenkhat chu tukverh aṭanga zuangchhuakin, ṭhenkhat chu pipe aṭangin an chhuk thla bawk a, an zinga ṭhenkhat hian hliam an tawrh phah a ni.

Police-te chuan kang­mei chhuak hian hotel choka leh a bula room te, furniture leh hmanraw dang ṭhenkhatte a kang­chhe nasa hle niin an sawi.