UP CM-in CM a nih tur a hma niin hre chauh

Uttar Pradesh Chief Minister Yogi Adityanath-a chuan CM a nih tur thu chu lakluh a nih hma niin a hre ve chauh niin a sawi.

Hindu puithiam, Yogi Adityanath-a chuan BJP preident Amit Shah chuan a tukah CM atana lakluh a nih tur thu a hrilh tih sawiin, hetih lai hian kawr pahnih chauh a neih thu a sawi. CM atana an rawtna chu a hnawl a nih chuan mawhphurhna an pek lak ata tlanchhia a nih dawn avangin alo pawm tih a sawi. Hemi hnu hian BJP legislature party meeting-a tel turin Lucknow a pan tih a sawi bawk.

Yogi Adityanath-a hi March 19, 2017 khan Uttar Pradesh chief minister atan lakluh a ni. MP term nga ni tawh, Gorakhnath Mutta-a puithiam hotu Adityanath-a chuan, puithiam midangte thilpek ringa nung a ni ṭhin a tih sawiin, tunah chuan a state mipuite chuan a enkawl turin state pumpui chu an pe tih a sawi.

State mipuite ṭhatna tur chuan thutlukna liantham tak siam pawh a hreh dawn lo tih sawiin, UP CM chuan PM Narendra Modi-a’n pawisa note lian pahnih a tih thih chu thutlukna huaisen tak a ni tiin a fak thu a sawi bawk.