Delhi Governor-in ads atana sum hman pe kir turin sorkar hriattir

Delhi-a Lieutenant Governor Anil Baijal chuan Aam Aadmi Party (AAP) sorkarin advertisement atana cheng vaibelchhe 97 zet a senral chu hmukir leh turin a hriattir.

AAP sorkar chu Supreme Court guideline palzuta adverstiment atana sum tam tham tak sengralah puh a ni a, heng a sum sente hi hmukir leh turin LG chuan a hriattir a ni. Hei bakah hian Chief Minister Arvind Kejriwal-a project atana sum sen dante chu chhui chiang turin thupek a tichhuak bawk.

Advertisement atana sum sen ral hi AAP sorkar hian thla khat chhunga a hnawhkhah leh a ngai dawn a ni. Hemi hma hian sorkar laipuiin Content Regulation in Goverment Advertising chungchang zirchiang tura a ruat, member pathum awmna committee chuan AAP sorkar hian mipui chhiah tlingkhawmte chu adverstisement siamna atan dik lo takin a hmang ṭhin niin a lo sawi tawh a ni.

Sorkarin advertisement atana sum a sen, cheng vaibelchhe 97 aṭanga cheng vaibelchhe 42 chu pek tlak a ni tawh a, cheng vaibelchhe 55 chu sorkar hian a ba a ni.

Tun thla tira Comptroller and Auditor General (CAG) report tihchhuahahn chuan, Delhi sorkar hian Delhi khawpui pawnah advertisement cheng vaibelchhe 29 man a tichhuak a, hei hi a mawhphurhna piah lam thil a nih thu a lo sawi tawh bawk a ni.