Bombay High Court-in journalist inchei dan sawisel

Bombay High Court-ah tunhnaia doctor-te nawrh huaihawt chungchanga petition thehluh chu ngaihtuah a ni a, court thurel ngaihvena national newspaper aiawha kal, journalist chu jeans leh t-shirt nena a inthuam avangin khak a ni.

Chief Justice Majula Chellur leh Justice GS Kulkanri chuan journalist hi eng vanga jeans leh T-shirt nena inthuam chunga court-a kal nge a ni tih an zawt a, Mumbai civic body counsel, SS Pakale hnenah journalist-te tana dress code a awm leh awm loh te an zawt bawk. Pakale chuan dress code dress hran a awm loh thu a hrilh a ni.

Tun ṭum hi high court-in journalist-te inthuamna a sawisel ṭum khatna a ni. Bombay High Court hian journalist inthuam dan hi sawisel sak mah se, court rorelna an cover laia an inthuam dan tur kaihhruaina erawh engmah siam a ni chuang lo.

Kum 2011, December thla khan Bombay High Court hian court compound chhunga lut turte tan dress code a lo siam tawh a, security guard-te hnenah zahawm taka inthuam a, thawmhnaw rawng lar tak ha lo chin chauh luh phalsak turin a ti a ni. He dan thar siam hmang hian ram dang mi nupa tuak khat chu Rs 2,500 chawitir an ni tawh.