Chinese reseacher-te'n Covid-19 virus India ram aṭanga chhuak niin an sawi
Chinese Academy of Sciences-a reseacher-te chuan tunlaia khawvel puma hri leng mek, Covid-19 virus lo chhuahna dik tak chu India ram niin an sawi.
Chinese scientist-te hian a hmain finfiahna awm lo chungin Italy, US leh Europe-te chu coronavirus leng chungchangah hian an lo puh tawh a, tunah he hri hi nikum nipui laia India ram aṭanga rawn inṭan niin an sawi leh a ni.
Researcher-te chuan nikum nipui lai khan India ramah tui bawlhhlawh kaltlangin he hri hi ramsa aṭangin mihringah a darh niin an sawi a, hei hi Wuhan lamah a darh chho ve leh zawk a ni, an ti. An zirchianna neihah hian Covid-19 virus lo chhuahna tak chhui tur hian phylogenetic analysis an hmang tih an sawi.
He zirchianna hi Glasgow University-a expert, David Robertson chuan a pawm lo nghal tih sawiin, Chinese researcher-te theory hman chu a rintlak tawk loh tih a sawi a, an zirchianna neih aṭang hian coronovirus chungchang hriatbelhna engmah a thlen lo a ni, a ti.