PM-in road tunnel thui ber hawng

Prime Miniter Narendra Modi chuan nimin khan ramchhunga road tunnel thui ber, Jammu-Srinagar National Highway-a siam chu a hawng.

Tunnel hi Chenani-Nashri tunnel tia vuah a ni a, twin-tube tunnel niin km 9.2-a thui a ni. Tunnel hi meter 1,200-a sanga awm a ni a, hmanraw tunlai leh changkang tak hmanga thuam niin, ventilation, fire control, signal, communication leh electrical system te dah a ni. He leiverh hmang hian Jammu leh Srinagar inkar chu motor tlan hun rei zawng chu darkar hnih leh a chanve-in a tawi phah dawn a, Chennai leh Nashr inkar, km 41-a thui pawh km 10.9-ah a tawi phah bawk.

Chenani-Nashir tunnel siam hna hi 286 km four-lane project peng pakhat niin, kum 2011 May 23 aṭang khan thawh ṭan a ni a, a siamna atan hian cheng vaibelchhe 3,720 sen a ni.