UP-ah sa zuarten nawrh an tihtawp

Uttar Pradesh-a sa zuartuten tiam chin awm loa nawrh an huaihawt chu state sorkar nen inremna an siam theih tak avangin kar kalta Inrinni khan an titawp a, nimin aṭang khan dawr an hawng leh nghal a ni.

UP sorkarin dan loa ran talhna inte a kharsak avangin sa zuarte hian an thil zawrh thlengin a nghawng niin an sawi a, nawrh hi an huaihawt a ni. Mahse state sorkar chuan Maulviganj slaughter house hawn a tiam bakah, ran talhna tur in dang pawh sak belh a tiam avangin nawrh hi an titawp ta niin an sawi. Sa zuartute hian ni nga chhung nawrh hi an huaihawt hman a ni.