Somalia lawng suahmangten India lawng hijack

Somalia lawng suahmangte chuan India sumdawng lawnglian an hijack a, an ram tuipui kamah an hruai niin official chuan a sawi.

Somalia rama semi-autonomous Puntland region-a anti-piracy agency director hlui, Abdirizak Mohamed Dirir chuan India sumdawng lawng, ‘Al Kaushar’ hijack a nih thu hi a sawi a, he lawng hi Dubai aṭanga Yemen-a Al Mukala port a pan laiin kar kalta Inrinni khan suamhmangte hian an lo bei a ni. Lawngah hian thawktu 11 an awm a ni. Suamhmangte kut aṭanga ‘Al Kaushar’ lawng lakchhuah dan tur hi ngaihtuah mek a ni.

Thla hmasa khan Somalia lawng suamhmangte hian oil tanker an lo hijack tawh bawk a, tanker tlanchhuah nan hian sum tam tham tak an phut a ni. Oil tanker, Aris 13 hi Sri Lankan sailor-te enkawl a ni a, Djiouti aṭanga Somalia khawpui, Mogadishu-a dah tur oil a phur a, mahse suamhmangte hian kawng lakah an lo hijack a ni.