UN-in African zirlai kutthlak tute hrem turin phut

United Nations chuan tun hnaia India rama African zirlai kutthlaktute chu hrem ngei tura a phut thu a sawi.

UN Secretary General thupuangtu Stane Dujarric chuan, Greater Nodia-a zirlai pakhat a thih avanga Nigerian zirlaite beih an nih chungchang African palaiten UN-a an thlen chu ngaihtuah a nih thu sawiin, zirlai beitute chungah hremna lekkawh ngei se an duh thu a sawi. Hemi rual hian he thil thlengah hian UN a inrawlh loh thu a sawi bawk.

March 26 khan Greater Noida-ah zirlai pakhat, kum 17 mi chu drug overdose vangin a thi a, tual­chhung mite hian he thihna thlenga mawhphurtua puhin Nigeria zirlai pali chu kut an thlak zui a ni. Hei vang hian Noida-a African zirlaite chuan lungawi lohna lantirin, class pawh an kal chhunzawm duh lo a ni.

India rama African mission hotute chuan zirlaite kut thlak an nih chungchangah sorkar chu hma la ṭha tawk lohah an puh a, Africa mite chu enhran an nih thu an sawi.