Singapore-in India mi hnawtchhuak

Singapore chuan an rama India mi, Islam sakhaw hruaitu chu mosque-a thu a sawinaah Kristian leh Juda sakhua bei zawnga thu a sawi vangin a hnawtchhuak.

Islam sakhaw hruaitu Nalla Mohamed Abdul Jameel hian Zirtawpni khan moque-a ṭawngṭai hun an hmannaah, Pathian-in Muslim-te chu Juda leh Kristiante lak aṭangin a humin aṭanpui a ni ti zawngin a sawi a, a thusawi lai video hi online lamah thehdarh a ni. Singapore court chuan a chungthu a ngaihtuah hnuah, US dollar 3,000 a chawi tir bakah an ram aṭangina hnawtchhuak bawk.

Ministry of Home Affairs (MHA) chuan thuchhuah siamin, Nalla chuan a sum chawi tur hi a pe tawh a, India ramah hruai haw a ni thuai dawn tih a awi. MHA chuan eng sakhaw hruaitu pawh, sakhaw dang bei zawnga thu sawite chuan thiltih man an tuar a ngai a ni, a ti.

Imam hian Kristian, Sikh, Taoist, Buddhist leh Hindu aiawhte hnenah pawh thupha a chawi tawh a, harsatna leh boruak ṭha lo thlen thei zawnga thu a lo sawi chu pawi a ti hle tih sawiin hremna pek a ni pawh chu a pawm thu a sawi. Pathianni zing khan Jameel hian Maghain Aboth Synagogue tlawhin Rabbi Moderchai Abergel hnenah ngaihdam a dil bawk a, Rabbi hian Juda sakhaw zuitute aiawha a ngaihdam thu a lo hrilh a ni.