Loneitu loan ba ngaidam turin TN sorkar hrilh

Madras High Court chuan Tamil Nadu sorkar hnenah an state-a khawkheng vanga harsatna tawk mek, loneitute loan ba chu ngaidam turin a hrilh.

Court chuan state sum dinhmun chu a ṭha lo hle a, khawkheng an tuar avangin loneitu loan ba neite chu rilru an intihlum fo a, hetiang harsatna lian tak an tawrh mek hi state sorkar chuan a mal tawrh avangin sum lama ṭanpui dan ngaihtuah turin sorkar laipui pui turin a ti bawk.

Justice S Nagamathu leh MV Muralidaran awmna division bench chuan loneitute loan ba ngaihdam tura hriattirna hi a tichhuak a, hemi rual hian National South Indian River Interlinking Agriculturists Association petition thehluh pawh ngaihtuah a remti nghal bawk.

Bench chuan cooperation, food and consumer protection department leh cooperative society registrar-te chu Government Orders 2016 hnuaiah loan ba ngaihdamna scheme chu kalpui turin a ti. Hemi atan hriattirna chu loneitute hnenah tichhuak vek turin a hriattir a ni.