UP sorkarin loneitute leiba Rs vbch 36,359 ngaidam
Uttar Pradesh Chief Minister Yogi Adityanath-a kaihhruai sorkar chuan April 4 khan cabinet meeting hmasa ber neiin, an state chhunga loneitute loan ba ngaihdam a nih tur thu a puang.
Yogi-a kaihhruai sorkarin loneitute loan ba a ngaihdam tur hi cheng vaibelchhe 36,359 a ni a, state zingah loan ba ngaidam hnem ber a ni. Kum 2008 khan UPA-1 sorkar chuan ram puma loneitute loan ba a lo ngaihdam sak tawh a ni. He ngaihdamna hi state chhunga loneitu mi nuai 86 velin an chhawr dawn a ni. Loan ba a ngaihdam tur hi mi pakhatah cheng nuai khat zela bithliah a ni.
Loan ba ngaihdam tur hian bank hrang hrang aṭanga lak a huam dawna, cooperative bank te pawh telh vek an ni. Mahse an loan lak hi buh, wheat, ferltilizer leh insecticides tana an lak a ni tur a ni. He scheme hian kum 2016, March 31 hmaa loan late a huam ang.
Loneitute loan ba a ngaihdam tur a tam tham avangin state budget thlengin a nghawng rin a ni. Uttar Pradesh hian leiba a ngah hle a, state leiba ngah lamah pahnihna a ni mek. Loan ngaihdamna scheme kalpuina atan hian Yogi-a kaihhruai sorkar huan annual budget hmun thuma ṭhena hmun khat a dah a ngai ang.