UP sorkarin Vikas Dubey thih dan chhui tur panel din

Uttar Pradesh sorkar chuan Pathianni khan member pakhat, Allahabad High Court judge hlui, justice Sashi Kant Aggarwal awmna panel din a nih tur thu a sawi. Panel hian Kanpur gangster Vikas Dubey thih dan leh July 2-a police 8 thah dan a chhui dawn a ni. 

Sorkar chuan July 2-3 zana Dubey leh a ho ten police 8 an lo thah dan leh, July 10 Madhya  Pradesh aṭanga Kanpur panpui a nih laia Dubey thah a nih dante chu chhui turin panel hi din a nih thu a tarlang. Hei bakah hian hmun hrang hranga police-ten Dubey leh a hote an lo chhui tawhna chu a chhui chiang leh bawk dawn a ni. Commission headquaters hi Kanpur-ah a awm ang. Commission of Inquiry Act, 1952 hnuaiah Dubey leh a kaihhnhnawih  thil thleng chungchanga pawimawh engkim a chhui dawn a ni. Noti­fication chhuah a nih aṭanga thla hnih chhungin Commission hian sorkarah report a thehlut lang. July 11 khan Uttar Pradesh sorkar chuan Vikas Dubey leh a thubuai neihte chhui chiang turin Special Investigation Team (SIT) a lo din tawh bawk a ni.