Israel leh India-in missile deal ziakfel

India leh Israel chuan US dollar tluklehdingawn 2 hu missile deal an ziak fel ta.

Israel Aerospace Industries chuan India hnena advanced medium-range surface-to-air missile systems (MRSAM) supply na tur contract ziahfel a ni ta tih a sawi a, hei bakah hian long-range air and missile defence systems (LRSAM) pawh a supply tel dawn bawk a ni.

IAI-in contract a hmuh hi dollar tluklehdingawn 1.6 hu a ni a,a bak chu defence company dang Rafael kutah pek a ni. IAI Chief Executive Officer (CEO) Joseph Weiss chuan contract an siam tak hian India sorkarin IAI theihna leh technology te a ring tawk tih a lantir a ni tiin, an thil supply tur hi India sorkarin ‘Make in India’ policy a siam kalpuina peng pakhat atan India rama an local partner-te nen an siam dawn niin a sawi.

Israel President Reuven Rivlin chuan nikum November thlaa India ram a rawn tlawh ṭum khan missile deal chungchang hi ram hruaitute a lo sawipui tawh a, inremna ziahfel a ni thei ta chu lawmawm a tih thu sawiin Weiss pawh lawmpuina a hlan a ni.

IAI chuan MRSAM hi advance ground breaking air leh missile defence system niin, boruak lam aṭanga beihna thleng thei venna a nih thu a sawi. MRSAM hi Indian Air Force, Indian Navy leh Israel Defence Force-ten an hmang mek a, a system-ah hian advanced phased-array radar, command and control systems, mobile launcher leh missile-te a tel a ni. MRSAM hmangin sipaite chuan kum 70 china aircraft, missile leh drone-te an kap thla thei dawn a ni.