SC-in BJP sorkarna state paruk hnenah hriattirna pe

Supreme Court chuan nimin khan BJP sorkarna state paruk-ah tunhnaia bawng humhalhtu intiten pawikhawihna an thlen ṭhin sawi chungchang sawifiah turin hriattirna a pe.

Court-in hriattirna a pekte hi Rajasthan, Jharkhand, Chhattisgarh, Maharashtra, Madhya Pradesh leh Gujarat state-te an ni. Justice Dipak Misra leh AM Khanwilkar awmna bench chuan state parukte chu kar thum chhung ngeia chhanna pe turin a hriattir a, hemi chungchang hi May 3-ah a ngaihtuah leh dawn a ni.

Tunhnaiah Alwar, Rajasthan-a bawng humhalhtu intiten bawng phur nia sawite sawisa a, an zinga pakhat an sawisak hlum chungchang chu Parliament rorel inkhawm leh House pawn lamah pawh buaipui a ni.

Rajasthan police-te chuan Alwar-a kum 55 mi Pehlu Khan sawisak hlumnaa inhnamhnawiha puh mi pathum an man tawh a, heng mi pathumte pawh hi an inpuang tawh nia sawi a ni bawk.