Ni li cham turin Bangladesh PM a rawn zin
Bangladesh Prime Minister Sheikh Hasina-i chu ni li cham turin nimin khan New Delhi a rawn thleng.
Sheikh Hasina-i hi New Delhi Airport-ah Prime Minister Narendra Modi-an alo hmuak a ni. India rama a cham chhung hian ram pahnihte hruaitute hian thawhdunna thuthlung eng emaw zat an ziahfel hman beisei a ni a, heng zingah hian civil nuclear energy lama thawhdunna tur pawh a tel ang. Teesta lui tui insem chungchanga inremna erawh chu ziahfel hman rin a ni lo thung.
Hasina-i hian Prime Minister Modi bakah President, Vice president leh political leader-te a kawm dawn a, India leh Bangladesh khawpui pahnih, Kolkata leh Khulna khua inkalpawhna tur bus leh train service an hawng nghal dawn bawk a ni.
Ram pahnihte hian sumdawnna lamah thawhdunna ṭha tak an nei a, an insumdawn tawnna hi US dollar tluklehdingawn 6.5 hu a tling a, India-in Bangladesh rama bungrua a thawnchhuah hi dollar tluklehdingawn 5.7 hu a ni.
Bangladesh PM hian Pathianni hian Ajmer Sharif a tlawh dawn a, Thawhṭanni-a Bangladesh rama a kir leh hmain sumdawn aiawhte inhmuhkhawmnaa a tel bawk ang.