J&K-ah firfiak 7 kap hlum

Jammu and Kashmir police-te chuan Kupwara, Kulgam leh Pulwama district-a firfiakte nena an inbeihnaa firfiak pasarih an kap hlum.

Kashmir IGP Vijay Kumar chuan firfiak kahhlum zinga pali chu Pakistan mi an ni tih a sawi. Firfiakte an awm thu J&K police-ten an hriat hnuah, sipaite nen firfiakte dapin district pathumah hian joint operation an nei tih a sawi. Firfiak pasarih kahhlum zinga panga chu Lashkar-e-Toiba (LeT) firfiak pawl nena inzawmna nei niin, tualchhung mi pathum an awm bawk.

Police data-a a lan danin kumin January thla aṭang khan firfiak nena inbeihna hi ṭum 68 thleng tawhin, security force-te hian firfiak 114 an that tawh. An zinga 32 chu Pakistan mi an ni. Heng inbeihnaah hian security mi 16 leh civil mi 18 an thi bawk a ni.