Ram temple sak dodaltute chu an lu tansak mai tur : Hyderabad MLA

Hyderabad BJP MLA Raja Singh chuan Uttar Pradesh-a Aoydhya-a Hindu temple, Ram temple sak dodaltute chu an lu tansakah a vau.

Raja Singh hian he thu hi a twitter-ah ziakin, Ram Mandir sak dodaltute chuan an tuar ngei dawn a, an lu an tansak dawn, tiin a sawi a ni.

Raja Singh hi Goshamal constituency bialtu a ni a, tunhma pawhin buaina chawk chhuak thei zawngin a lo ṭawngchhuak tawh a, thubuai pawh eng emaw zat neiin man pawh a lo ni tawh a ni.

Union Water Re­sources Minister Uma Bharti pawhin Ayo­dhya-a Ram temple sak a nih theih nan jail tan pawh a in­huam thu alo sawi tawh bawk. Uma Bharti chuan, Ram temple hi atan chuan a rinna kawngah thil pawi­mawh tak a ni a, Ayo­dhya-a sak ngei a duh thu a sawi a, a ṭul chuan jail-a tan pawh a inhuam a, inawhlum a ngai a nih pawhin a tih mai tur thu a sawi a ni.