J&K-a by-poll neihnaah buaina chhuak

Jammu and Kashmir-a Budgam district-a Lok Sabha constituency-ah nimin khan by-election neih a ni a, buaina chhuakin mi pathum an thi a, mi dang tam takin hliam an tuar.

Budgam district-a Chrar-e-Sharief area-a Pakherpora polling station chu mipui thinrimin beiin, station vengtu security force-te chu lungin an tawng a ni. Security force-te hian mipui hnawhdarh nan silai an hmetpuak a, mahse pungkhawmte hi an kalsawn duh lo a ni.

Security force-te silai hmetpuahah hian mi parukin hliam an tuar a, an zinga pathum chu an hliam tuar loin an thi a ni. Polling station beih a nih vang hian Budgam-a EVM ṭhenkhat chu a chhia a, hetihlai hian Kangan leh Ganderbal-ah chuan boruak ṭha tak hnuaiah vote thlak a ni thung.

Lok Sabha constituency by-election neihnaah hian vote nei mi nuai 12.61 vel awm mah se, buaina chhuak avang hian nimin chawhnu lam thlenga vote tla chu 3.3% chauh ala ni. Polling station hi 1,500 siam niin heng polling station-te hi buaina chhuah hlauhawmna, sensitiv leh hyper-sensitive-ah puan vek an ni.

PDP hruaitu Tari Hameed Karra chu nikuma an state-a Hizbul Mujahideen commaner Lok Sabha member thah a nih ṭuma tualchhung buaina chhuakah, security force-te chetdanah a lungawi loh avangin Lok Sabha member a nihna aṭanga bangin a bial hi a ruak a ni. By-election neihnaah candidate pakua an awm a, an zingah hian National Conference president Farooq Abdullah pawh a tel a, Congress party-in an thlawp a ni.