PM hoin Yoya Day hmang

Prime minister Narendra Modi hoin nimin khan International Yoga Day vawi riatna hman a ni.

PM Modi hian Karnataka-a Mysuru Palace ground-ah Yoga Day hi hmangin, he hunah hian mi 15,000 vel an tel. An zingah hian Karnataka governor Thaawarchand Gehlot, chief minister Basavaraj Bommai, union minister for Ayush Sarbananda Sonowal leh Ministry of Ayush-a official eng emaw zat an tel.

India zalenna kum 75-na pualin, Ministry of Ayush chuan Yoga Day lawmnaa union minister-te telpuina tur hmun 75 a thlang chhuak a ni.

Kum 2014, September 27-a UN General Assembly-ah khan PM Modi chuan International Yoga Day puan hi a rawt a, India draft resolution siam chu ram 177 in an thlawp a ni. Kum 2014, December 11 khan United Nations chuan June 21 chu International Yoga Day-ah a puang ta a, Yoga Day hmasa ber hi kum 2015, June 21 khan hman a ni ta a ni.