Sorkarin CBI hotu ruat dan kimchang puangzar duh lo

Central Bureau of Investigation (CBI) director atana Alok Kumar Verma ruat a nih dan kimchang chu Right to Information (RTI) Act hmangin zawhfiah ni mah se, sorkar laipui chuan a puangzar duh lo.

Department of Per­son­nel and Training (DoPT) chuan RTI zawh­­na hi chhangin, CBI director ruat hna chu Prime Minister Naren­dra Modi-a kaih­hruai Ap­pointments Com­mittee of Cabinet (ACC)-in a thawh thu chauh a tar­lang. ACC ah hian mem­­ber pathum awm­in, PM bakah Chief Jus­tice of India Jagdish Singh Khehar leh Lok Sabha-a Congress hruaitu Mallikarjun Kharge-te tel an ni.

Delhi Police Commissioner hlui, Vermna hi kumin January 19 khan CBI hotu thar atan hian ruat a ni.

DoPT hnenah hian CBI director thar ruat a nih chungchanga council of minister ngaihdan te, thutlukna an siamna tura an behchhante chu mipui hmuha tlangzarh turin an ngen. Hei bakah hian CBI director atana officer dang chhawp­chhuahte hming pe vek turin an dil bawk a ni.