Fee tihsan duhloa nawrh huaihawt zirlai 52 man

Punjan University campus-ah university fee tihsan duh loin zirlai ṭhenkhatin nawrh an huaihawt a, tharum thawhna a thlen zui avangin nawrh huaihawt zinga mi 52 chu man an ni.

Nawrh huaihawtnaa buaina chhuakah hian media lam mi ṭhenkhat pawhin hliam an tuar a ni.

Zirlai lungawi lo te chuan fee tihsan chungchangah lungawi loin ‘PU Bandh’ an huaihawt a, Vice Chancellor Arun Kumar Grover chu biak an duh thu an sawi. Mahse inbiakna nei tur hian zirlaite hi koh an nih loh avangin VC office-ah luh luih an tum a, police-te’n a danna an siamte an zuan khum a ni. Zirlai hnawhdarh nan hian police-te chuan water cannon te an hmang a ni.

Hemi hnu hian zirlaite chuan lung leh pangpar khawina bur tein police-te hian vawm zui a, police-te chuan tiang leh tear gas hmangin an bei let ve a ni. Zirlai zingah eng emaw zatin hliam an tuar a, an zingah hian hmeichhiate pawh an tel.

Fee tihsan duh loa ‘Panjab University Bandh’ an neih hi zirlai pawl hrang hrang - Students for Society (SFS), National Students Union of India (NSUI), Punjab University Students Union (PUSU) ten an huaihawt a ni.