PM-in BHIM-Aadhaar Pay app a hawng
Prime Minister Narendra Modi chuan nimin khan Nagpur-ah digital payment kalpuina peng pakhat atan BHIM-Aadhaar digital payment application a hawng a, Lucky Grahak Yojna leh DigiDhan Vyapar Yojna lucky draw-a lawmman dawngtute hnenah pawisa a sem bawk.
Digital Payments Lucky Grahak Yojana mega draw winner-te hnenah hian cheng vaibelchhe 1, nuai 50 leh nuai 25 hlan a ni a, cheng vaibelchhe khat dawngtu hi Maharashtra-a Latur District-a dawr te neitu fanu, Sharaddha a ni a, PM hnen aṭangin lawmman hi a dawng a ni.
Nagpur-a inkhawm buatsaihah hian PM chuan Bhim app chuan mi retheite hnenah thuneihna tam zawk a pe dawn a ni tiin, BHIM app chuan aṭha zawmgin mi tinte a nghawng dawn a, an mobile phone chu an bank a ni nghal dawn tih a sawi.
BHIM app hlawhtlinna chu khawvel pawhin a la zir ngei dawn niin PM chuan a tarlang.
PM hian incentive scheme thar pahnih - BHIM-Cashback leh Referral Bonus pawh a hawng nghal bawk. Referral Bonus scheme hnuaiah hian BHIM hmang thar hnenah an account-ah sorkarin Rs 10 a dahsak dawn a, he scheme hi October 14 thleng hman a ni ang. Cashback scheme hnuaiah hian BHIM hmanga pawisa thawntu chuan hetiang zat hi a hmu let zel dawn bawk a ni.