Uttarakhand Cong­ress-in Vande Mataram sak tum lo

Uttarakhand-a eptu pawl, Cong­ress Party chuan national song, Vande Mataram chu an party official programme-ah thla khat chhung sak a ni dawn lo tih a sawi.

Uttarakhand Education Minister Dhan Singh Rawat-a chuan an state-a awm duhte chuan ‘Vande Mataram’ hi an sak ngei ngei a ngaih thu a lo sawi tawh a, state chhunga school hrang hrangah natinal song sak hi tih ngei ngei tur a nih thu a lo puang tawh a ni.

Minister thusawi chhan letna atan hian Congress party chuan thla khat chhung atan official programme-ah sak a ni dawn lo tih a sawi. State Congress hruaitu Kishore Upadhyay chuan, state sorkar hian mipuite chungah hetiang hi a tingaw thei lo tih a sawi a, hei vang hian an chungah engpawh thleng dawn se, an party-in thla khat chhung sak an tum loh thu hi a sawi a ni.