PM Modi-a’n Easter pualin duhsakna hlan

Prime Minister Narendra Modi chuan nimin khan Easter Sunday hmangtute chu duhsakna a hlan a, ram pumah bo­ruak muanawm tak a awm a duh thu a sawi.

PM hian twitter-ah duhsakna thu hi tarlangin, Isua Kristan zirtirna chuan ram leh khawtlangah inremna, inlainatna leh inpumkhatna a thlen zel a beisei thua sawi.

President Pranab Mukherjee-a pawhin mipuite duhsakna a hlan a, Isua Krista chuan dikna, ngaihdamna, hmangaihna leh midangte rawngbawl sak turin A zirtir a ni tiin, ram mipuite chu tharum thawhna leh inhuatnate tibo a, mi rethei leh dinhmun harsa zawkte tana rawngbawl turin a chah.