Sipai hotu leh NSA-in Kashmir chungchang sawidun
Khawmual sipai hotu lu ber, General Bipin Rawat chaun nimin khan National Security Advisor Ajit Doval hmuin, Kashmir dinhmun an sawidun. Gen Bipin hian Inrinni khan Jammu & Kashmir Chief Minister Mehbooba Mufti-i chu Srinagar-ah a lo hmu tawh bawk.
Kashmir tualchhung buaina thleng ṭhinah mipui lungawi lote chuan sipaite chu lungin an tawng fo a, security force-te bei ṭhintute vauna tur nia sawiin kar kalta Zirtawpni khan tlangval pakhat chu Budgam district-ah sipai motor-ah phuar beh a ni a, hei hian sawisel a hlawh hle. CM hlui Omar Abdullah chuan he video hi a twitter-ah tilangin, security force-te chetdanah a lungawi loh thu a sawi. Mipui pawh an lungawi lo hle a, he thil thleng hi chhui chiang turin a phut bawk a ni.