EVM software enfiah phalsak turin ngen

Central-a eptu party hrang hrangte chuan tunhnaia state ṭhenkhata assembly inthlan neih­ah BJP an chak theih nan EVM khawih chingpen niin an sawi a, vote thlakna atana hman EVM aiah ballot paper hmang tawh zawk turin an phut.

Election Commission chuan political party ṭhenkhatten EVM an sawisel hi chhangin, khawih danglam theih a ni lo a, vote thlakna atan a rintlak tawk niin a sawi thung.

Hemi hnu hian Congress party hruaitu Digvijay Singh chuan Commission-in EVM khawih danglam theih a ni lo tia a sawi chungchang finfiah nan political party-te chu a software enfiah phalsak tura a duh thu a sawi a ni.

Digvijay Singh chuan EVM coding hi khawih danglam theih a rinawm hle niin a sawi. EC chuan May thla tir khian expert, scientist leh technocrat-te chuan kar khat emaw, ni 10 chhung emaw EVM hack hi an tum chhin dawn tih a sawi bawk.