ED-in Karti Chidambaram-a hriattirna pe

Enforcement Directorate chuan foreign exchange rule palzut chungchangah Vasan Health Care leh an promoter, Advantage Strategic Consul­ting leh a director-te bakah Karti Chidambaram-te hriattirna a pe.

Cheng vaibelchhe 2,100 inhnamhnawihna, foreign exchange rule palzut chung­changah hian ED chuan foreign investor-te pawh hriattirna pein, insawifiah turin a ti bawk. ED hian Chennai-a hmunpui nei, Vasan Health Care-a foreign investment tih chungchang a chhui chiang mek a, he company hian firm lian, Mauritius-a hmunpui nei Sequoia leh West Bridge aṭangin invesment lian tham tak a hmu a, hei bakah hian global firm GIC-Singapore pawhin investment hi a ti bawk.

ED official-te chuan rampawn lama investor-te hnena share pek danah foreign exchange rul hi palzut niin an sawi a, hei bakah Vasan Health Care hian FEMA dan leh dun pawh an zawm lo a, rawn pawn lama investor-te share transfer-naah Reserve Bank of India pawh an hriattir lo niin an sawi.