MLA hel 12-te disqualify ngenna thehlut

Shiv Sena chuan an party MLA hel 12-te chu Nilainia legislative meeting-a an tel loh avangin assembly member an nihna aṭanga disqualify tura ngena a thehlut.

MLA an nihna hnawlsak tura ngen zinga hian an hotu, Eknath Shinde pawh a tel. Shiv Sena hian disqualify tura an phutna hi state assembly deputy speaker hnenah an thelut a ni.

Hetih lai hian Shinde-te lam hian Maharashtra governor Bhagat Singh Koshyari hnenah lehkha thawnin, Shinde chu legislative party leader a la ni reng tih an sawi thung. 

Shinde hian Assembly deputy speaker pawh hi lehkha thawnin, he lehkhaah hian amah thlawptu MLA 37 chuan hming an ziak bawk.