ED-in Himachal Pradesh CM a ko

Enforcement Directorate (ED) chuan Himachal Pradesh Chief Minister Virbhadra Singh chu sum tihchingpen kaihhnawihah inlan turin a ko a, April 20-ah an office-ah kal turin a hriattir.

ED hian April 13-a inlan turin Singh hi a lo ko tawh a, mahse a kal lo a ni.

Congress party hruiaty Virbhadra Singh hian Prevention of Money Laundering Act (PMLA) hnuaia a statement lak an tum pawh a lo pumpelh tawh bawk. Mahse ED hian a nupui Pratibha Singh leh a fapa Vikramaditya Singh chu thu an zawt tawh a ni.

Tun thla tir lam khan ED chuan Delhi-a Singh-a farm-house, cheng vaibelchhe 27.29 man chu alo hren sak tawh a ni. ED hian kum 2015 khan PMLA hnuaiah Virbhadra Singh, a nupui Pratibha, Life Insurance Corporation agent Anand Chauhan, a thawhpui Chunni Lal leh midangte lakah thubuai a lo thehlut tawh a ni.

Singh-a hi union minister a nih lai, kum 2009-2012 chhung khan a sum lakluh phu loa thil neiah puh a ni a, hemi hun chhunga cheng vaibelchhe 6.03 thil a nei nia sawi a ni.