UGC-in college leh university final year exam ṭhulh rawt

University Grants Commission (UGC) chuan college leh univesity zawng zawngah final examination chu ṭhulh vek a rawt a, hemi chungchanga thutlukna hi a puan thuai rin a ni. 

Education institution hrang hrangten hripui leng vanga final year exam an buatsaih theih loh thu an sawi hnuah, UGC chuan he rawtna hi a siam a ni. Hemi hma hian UGC chuan intermediate exams-te chu ṭhulh turin a lo rawt tawh bawk. 

UGC-in guideline a siamah university leh college-te chu kum hma­sa lam emaw, semester hmasa lam leh internal assesment-a an tihṭhat dan azirin zirlaite chu grade pe mai turin a ti a ni. 

State pali - Maha­rashtra, Odisha, Madhya Pradesh, leh Haryana chuan an state-ah univer­sity leh college examination neih a ni dawn lo tih an lo sawi tawh a ni.