Digvijaya Singh leh Congress party worker-te laka FIR thehlut

Congress hruaitu Digvijaya Singh leh Congress party worker 150-te chu ram chhunga fuel man sang vanga lungawi lohna lantirin cycle hmangin kawng an zawh a, hei vang hian an lakah FIR thehluh a ni.

Congress party wor­ker-te hian Madhya Pradesh-a Roshanpura intersection aṭangin chief minister Shivraj Singh Chouhan chenna in thleng cycle hmangin kawng an zawh  a ni. He huna tel Digvijaya Singh leh party worker 150-te chu IPC hnuaia section 341,188,143, 269 leh 270 hmanga thubuai siamsak an ni. 

Sorkar laka an lungawi loh avanga cycle hmanga kawng an zawh chhan hi ni 8 chhung a zawna MP sorkar chuan petrol leh diesel manah excise duty a tihsan vang tih an sawi. Covid-19 vangin state chhunga mi tam takin sum leh paiah harsatna an tawk a, fuel man tihsan avang hian mipuiten harsatna kan neih belh phah a ni, tiin an kawng zawh chhan Singh chuan a sawi.