UN-in International Yoga Day pualin stamp tichhuak dawn

United Nations chuan kumin June 21-a International Yoga Day hman tur pualin special stamp a tichhuak dawn.

UN postal agency, UN Postal Administration (UNPA) chuan kum 2015 aṭanga hman ṭan, International Yoga Day puala special stamp siam hi a tichhuak dawn a, stamp-ah hian yoga posture hrang hrang leh Om tih inziahna thlalakte a dah ang.

International Yoga Day hmasa ber hi kum 2015 khan UN-ah hman a ni a, he hun hi External Affairs Minister Sushma Swaraj-i chuan hmanpuiin, hetihlaia UN Secretary-Gneral Ban Ki-moon, guru Sri Sri Ravi Shankar leh US Congresswoman Tulsi Gabbard-te pawhin an telpui a ni.

UN General Assembly chuan kum 2014, December thla khan June 21 chu International Yoga Day-ah puang turin resolution a siam a, hei hi member ram 177 in an hmang a ni.