Cabinet-in VVPAT khawl lei rawtna pawm

Union Cabinet chuan Election Commission-in Voter Verifiable Paper Audit Trail (VVPAT) khawl lei a rawtna chu nimin khan a pawm. Tun hnaia political party hrang hrangten vote thlakna atana electronic voting machine (EVM) hman ṭhin chu khawih chingpen theih nia sawiin an sawisel a, hei vang hian EC chuan EVM hi Voter Verifiable Paper Audit Trail (VVPAT) nen thlunzawm vek an nih theihna turin khawl leina tur sum hi pe turin sorkar laipuiah rawtna a thlen a ni. VVPAT leina tur hian cabinet chuan cheng vaibelchhe 3,173 pek a remti a, hemi hmang hian VVPAT khawl nuai 16.15 lei a ni ang.