ED-in darkar 9 chhung HP CM thu zawt

Himachal Pradesh Chief Minister Virbhadra Singh chu Ningai khan Enforcement Directorate (ED) chuan sum tichingpena puh chungchangah darkar kaw chhung zet thu an zawt a, zawhna 100 vel an chhantir a ni.

ED chuan, Himachal CM hian zawhna ṭhenkhat chu a chhang mai thei lo a, a hnua a chhanna a pek tur thu a hrilh niin a sawi.

Singh hi a lakluhna hriat loha cheng vaibelchhe 10 zet neia puh a ni a, April thla tir lam kha ED chuan Delhi-a a farmhouse, cheng vaibelchhe 27.29 man chu a lo hrensak tawh a ni.

ED hia Virbhadra Singh, a nupui Pratibha, Life Insurance Corporation agent Anand Chauhan leh a thurualpui Chunni Lala leh midangte lakah kum 2015 khan criminal case a lo ziaklut tawh a ni.