AIADMK pawl pahnihte document thehlut turin hriattir

Tamil Nadu-a rorellai, AIADMK hnuaia pawl pahnihten party symbol an inchuh chungchangah, Election Commission chuan June 16 thleng document thehluh turin hun a pe. Delhi Police Crime Branch chuan VK Sasikala-i lamṭang, TTV Dinakaran-a’n an party symbol an chan theihna atana official-te tham a tum chungchang chhui chiang turin Nilaini khan Chennai an pan tawh bawk. 

Delhi Court chuan Thawhṭanni khan Dinakaran-a’n palai atana a chhawr, Sukesh Chandrasekhar chu man a ni tawh a, a kut aṭang hian cheng vaibelchhe 1.3 bakah luxury car pahnih an man tel a ni.