Delhi-ah lawi phurtute kut thlak

Delhi chhim lamah Inrinni zan khan animal rights group activist-te’n lawi phurtu mi pathum kut an thlak.

Mi pathumte hian lawi talh tur hi Gurgaon aṭangin Ghazipur panin an phur a, animal rights group intite hian ku lo thlakin ransa chunga rawng taka cheah puhin an lakah thubuai ziahluh a ni. Police-te chuan heng mi pathumte hi thu an zawhfiah tawh a ni.

Police officer chuan mi pathumte hian hliam tenau an tuar a, All India Institute of Medical Science-ah enkawl an nih thu an sawi. Anmahni kutthlaktute lakah hian complaint thehluh a ni lo tih a sawi bawk.

Kuthlaktute hi People for Animals (PFA) mi leh sate an nih thu officer chuan a sawi a, bawng humhaltu pawl intite nen inkaihhnawihna an neih loh thu a sawi bawk. PFA member-te chuan lawi phurtute hi kut an thlak lo niin an sawi thung a, an zinga mi Gaurav Gupta chuan, “Lawi phurhte hi rawng taka enkawl an ni tih thu kan dawng a, an motor hi kan zui a, chumi huah Police Control Room kan be ta a ni”, a ti.

India ram chung hnmun tam zawkah bawng talh hi khap a ni tawh a, Uttar Pradesh sorkar chuan tun­hnaiah phalna nei loa ran talhna hmunte dapchhuah hna thawkin a kharsak a ni. Heng hmunah hian an sa thawnchhuah turin lawi te chu an talh ṭhin a ni.

Bawng humhalhtu pawl intite chuan bawng talh leh bawngsa eiah puhte lakah pawikhawihna an thlen fo a, July thla khan Gujarat-ah Dalit mi pali chu bawngsa phura puh an nih vangin an thawmhnaw hlihsakin car-ah phuar beh an ni.