Jharkhand-ah bawng 12,000 ID tag siamsak

Sorkar laipuiin ram chhung bawng chhinchiahna atana Aadhar ang chi siamsak a rawt a, hetihlai hian BJP sorkarna Jharkhand state-ah chuan bawng 12,000 tan 12-digit unique identification (UID) number siamsak a ni tawh.

State sorkar chuan bawng tana UID number siamsak hian dan kalha bawng tawlh turte a ven bakah, an hriselna dinhmun thlengin an enfiah thei reng dawn niin a sawi.

Sorkar laipui hnuai ami, Jharkhand State Implement Agency for Cattle and Buffalo (JSIACB) chuan bawng ID tag siamsak hna hi district pariat - Ranchi, Hazaribagh, Dhanbad, Bokaro, Jamshedpur, Deoghar, Giridih leh Lohardaga-ah an thawk a ni. He project hi sorkar laipui scheme, INAPH (information network for animal productivity and health) scheme hnuaiah kalpui a ni.

Bawng an chhinchhiah­te hi an data kimchang, an ki leh mei awmdante chhin­chhiah a ni a, number hran pek vek an ni. Heng data-te hi kar khat chhungin upload hman vek tum a ni.

INAPH Jharkhand nodal in-charge KK Tiwary chuan sorkar laipui chuan he prog­ramme hi state chhunga district 24-ah kalpui vek tur­in a ti a, kum khat chhunga bawng nuai 18 tal chhin­chhiah hman tum a nih thu a sawi.